244
REGISTRES DU BUREAU
[i57,]
endroict soy, lesd. Labbé et Pillon, corps et bien, comme pour debte royal. Renonçant, elc.
"Faict el passé l'an mil cinq cens soixante dix, le mercredy unziesme jour d'Octobre. »
Signé : » Ymbert et Quetin 11' i>.
[9. — Marché passé avec Jean Regnard,
maître orfèvre,
pour des modifications à faire au present
DESTINÉ AU Roi.] 16 octobre 1570. (A, fol. 88 v°; B, fol. 236 r°.)
«Pardevant Françoys Ymbert el Jehan Quetin, notaires du Roy nostre sire ou Chastellet de Paris, fut present honnorable homme Jehan Regnard, maistre orfebvre, bourgeois de Paris, lequel re-congneut et confessa avoir faict marché à Messieurs les Prevost des Marchans et Eschevins de la ville de Paris, à ce presens, de reffaire le Roy qui est sur le cheval du present qui a esté cy devant faict pour ledict seigneur Roy <2', reffaire et remectre les coullonnes qui sont à present forces, droictes, et y mectre les devises telles qu'elles sont à present; faire la soubzbasse dudict present, en laquelle se­ront figurées les quatre batailles dont le Roy a eu victoire, pendant les guerres civilles, asscavoir : l'une à Dreux, l'aultre à Sainct Denys, l'aultre à Coignac, et l'aultre à Montcontour; reffaire aussy les daulphins qui sont audict present, de la grandeur et haulteur qu'il a esté advisé; et faire quatre Roys sur le plat fons, ainsi qu'il a esté arresté;et y employer jusques à la quantité de soixante et dix ou soixante et douze marcs d'argent vermeil doré, ou environ, oultre le poix que poise maintenant ledict present, qui luy sera baillé à ceste fin par poix et compte. Lesquelz ouvraiges ledict Regnard sera tenu, a promis et promect rendre bien et deuement faictz, parfaietz et dorez, ainsy qu'il appartient, au dict de ouvriers et gens à ce congnoissans, dedans six sep­maines prochainement venant.
«Ce marché faict moyennant le pris et somme de (juinze escuz sol, à cinquante quatre solz tournois piece, pour chacun marc, tant pour or, argent que
façon de ce quc ledict Regnard fera et employra da­vantaige ès ouvraiges qu'il fera de nouveau audict pre­sent , suivant le contenu cy dessus, oultre et par dessus le poix dudict present cy devant faict, comme dict est. Et au regard de ce qu'il refera et restablira en aultre forme, ainsi que dessus est dict, asscavoir le Roy, les deux collonnes et quatre daulphins doubles qui sont audict vieil present, led. Regnard en sera payé à raison de vingt trois livres tournoiz seullement, pour façon de chacun marc. Lesquelz pris lesd. Prevost des Marchans et Eschevins seront tenuz, ont promis et promectent faire bailler et payer audict Regnard, ou au porteur, par noble homme maistre Françoys de Vigny, Recepveur de la Ville. Sur lequel marché luy sera baillé et advancé la somme de mil livres tour­nois sur et tantmoings desdictz ouvraiges qui luy sera la premiere desduicte et rabattue; et le reste luy sera payé au feur et ainsi qu'il fera lesd, ouvraiges cy devant declairez'3'. Promectant, etc. Obligeant, etc. Renonçant, etc.
"Faict et passé l'an mil cinq cens soixante dix, le seizeiesme jour d'Octobre. *
Signé : "Ymbert et Quetin n.
"Honnorable homme Jehan Regnard, maistre or­febvre et bourgeois de Paris, confesse que Messieurs les Prevost des Marchans et Eschevins de la Ville de Paris luy ont ce jour d'huy baillé et delivré le present du Roy, qui auroict esté cy devant faict pour pre­senter en don aud. sieur à son entrée en ceste Ville de Paris, poisans quatre vingtz trois marcs cinq onces six gros d'argent vermeil doré, garny de son estuy de cuyr doré, pour icelluy present reffaire et racoustrer, selon et ainsi qu'il est advisé et qu'il est plus à plain contenu par le marché par luy faict avec Messieurs les Prevost des Marchans et Eschevins de ladicte Ville, le jour d'hier, seiziesme jour de ce present moys d'Octobre. Lequel present ledict Regnard sera tenu, a promis et promect rendre et delivrer ausd. Prevost des Marchans, si tost qu'il l'aura reffaict et racoustré, suivant led. marché, de­dans le temps contenu par icelluy. Promectant et obligeant corps et biens. Renonçant, etc.
(,) Texte publié dans la Revue archéologique, tome V, a° partie, 1848, pages 579-589.
'-' On a vu ci-dessus (pages 197 et note 2 ) que cette pièce d'orfèvrerie était prête depuis l'année 1562. On en lira la description à la lin de la relation des cérémonies, au moment où le Prévôt des Marchands el les Echevins la présentent au Roi.
'3' Jean Regnard reçut pour ce travail la somme de 3,334 livres 12 sous tournois, suivant la mention qui figure sur un Extrait des dépenses faites à l'entrée du Hoy et de la Royne à Paris, en i5ji, publié par Cimber et Danjou dans les Archives curieuses de l'Histoire de France, 1 "série, tome VIII, page 367. Ce fragment de compte reproduit l'exposé des modifications faites par l'orfèvre conformément au devis contenu dans le présent marché.